Depi en sertin letan li pe dir ki si pa ti repus laz ki kumans tus BRP a 65 an be BRP ti pu kut 100 milyar rupi an 2035. Mo ti tan sa promie fwa dan so diskur pu kongre 90em laniverser Ptr. Zordi mon truve ki ena usi sa palab la dan so steytmint le 17 Zin 2025 dan Parlman. E lin redir sa fek la. Se en argiman ki mo ti osi demoli dan Preokipasion Sitwayin, en liv ki ninport kisana kav dawnlod gratwitman.
Be kuma tiart la montre si depans BRP pu pas de 55.3 milyar a 100 milyar dan 10 an se en ogmantasion de 80%. Me nun gayn ban ogmantasion lor 10 banane buku pli inportan ki sa dan le pase. Par egzanp BRP ti ogmant par 540% ant 1987/88 ek 1997/98 e 170% ant 1997/98 ek 2007/08. E malgre sa ban ogmantasion buku pli inportan la zame li ti depas plis ki 2% GDP. Si li ti 7.8% GDP an Zin 2025 se akoz ti servi li kuma en zarm elektoral dan omwin 3 eleksion e sirtu akoz zame nu pan gayn krwasans mwayin de 8% ki Sithanen ti promet ek so flat tax 15%. Anfet de 2006 a 2025 mwayen krwasans ti selman 3.3% e sa fin fer an sort ki lekonomi apepre 2.5X pli tipti ki seki li ti bizin ete.
An pasan kifer u kwar zame Ramgoolam koz lor to krwasans mwayin depi 2006?
No comments:
Post a Comment