Pena Deba Pu Fer Lor BRP Iniversel a 60 an

Amwin mank rol u pena oken problem pu regle dan pei.

Platform Komun Syndikal Fin Ekrir A Ban Parlmanter

Dan en let sinq paz, zot fin explike, sif a lapwi, ki BRP e nu welfer steyt sutenab me seki pa sutenab se sa pwazon de flat tax 15% ki Sithanen ti servi popilasion apartir 2006. Zot fin dir ki rasio BRP/GDP ki fin okip deba piblik dernie 13 mwa pu bese ek en BRP de 100 milyar rupi an 2035 pu tu to krwasans aniel mwayin siperyer a 2.2% ki en to vreman insinifian konsideran potansiel Moris.

PKS fin osi expos dega katastrofik ki flat tax 15% Sithanen in fer a Moris depi 2006 e kuma sa fin fer an sort ki nu lekonomi de fwa edmi pli tipti ki seki li bizin ete an 2026.

PKS fin osi fer plizir propozision pu ogmant reveni guvernman e fin termin let la par dir ki zot ti va prefer ena ban konsiltasion sinser ek guvernman e fer ban parlmanter remarke ki laful dan manifestasion le 11 Ziyet 2026 dan Por-Lwi in fini vot pu en lagrev zeneral.

U kav lir let la isi.

Lepep Pe Desan Lor Sime Pu Ki Ran So BRP

E aret latak lor so leta providans ki anpes 1/3 Morisyin tom dan lamizer. Ena pagli mami ki alor ki nu system lasante pibilk in krash ti dir resaman ki 18.5 milyar rupi ki nu depanse ladan en fardo mari lur. Anfet si ti bizin depans mem pursantaz GDP ki Sesel e nu ti gayn krwasans 8% ki ti sipoze gayne ek flat tax 15% Sithanen be nu ti bizin depans 93.2 milyar rupi u 5X plis.

Nu mark nu prezans Samdi 11 Ziyet, 13h, Sant Sosial Mari Ren de Lape ki truv anfas Lanbasad de Frans, Por-Lwi.

Eski BRP Iniversel A 60 An Sutenab?

Wi. Kuma tiart la montre nu mem si nu kontinie gayn sa to krwasans fatra mwayin de 3.3% ki nun gayne ant 2006 ek 2024 lor prosin 10 an pwa BRP dan lekonomi (GDP) pu bese de 7.8% a 7%. Nun fer lipotez ki to linflasion prosin 10 an pu an mwayen seki li fin ete ant 2001 ek 2024. Aster si nu gayn 5.1% de krwasans mwayen be BRP pu reprezant selman 5.9% GDP. 4.5% si mwayen krwasans GDP la vin 8%.

Donk tre sutenab. Selman sa de dernie bidze inbesil kin prezante la pu kontinie diminie nu to krwasans parski li kontinie asfixie lekonomi parey kuma tu ban bidze depi 2006. Ramgoolam ankor ena letan pu amen ban sanzman ki bizin dan finance bill pu bidze 2026/27.

Anu Redemont En Argiman Bidon Ramgoolam

Depi en sertin letan li pe dir ki si pa ti repus laz ki kumans tus BRP a 65 an be BRP ti pu kut 100 milyar rupi an 2035. Mo ti tan sa promie fwa dan so diskur pu kongre 90em laniverser Ptr. Zordi mon truve ki ena usi sa palab la dan so steytmint le 17 Zin 2025 dan Parlman. E lin redir sa fek la. Se en argiman ki mo ti osi demoli dan Preokipasion Sitwayin, en liv ki ninport kisana kav dawnlod gratwitman. 

Be kuma tiart la montre si depans BRP pu pas de 55.3 milyar a 100 milyar dan 10 an se en ogmantasion de 80%. Me li bon kone ki dan le pase nun gayn ban ogmantasion lor 10 banane buku pli inportan ki sa. Par egzanp BRP ti ogmant par 540% ant 1987/88 ek 1997/98 e 170% ant 1997/98 ek 2007/08 ki inklir ban period kot Ramgoolam ti PM. E malgre sa ban ogmantasion buku pli inportan la zame BRP ti depas plis ki 2% GDP. Si li ti 7.8% GDP an Zin 2025 se akoz ti servi li kuma en zarm elektoral dan omwin 3 eleksion e sirtu akoz zame nu pan gayn krwasans mwayin de 8% ki Sithanen ti promet ek so flat tax 15%. Anfet de 2006 a 2025 mwayen krwasans ti selman 3.3% e sa fin fer an sort ki lekonomi apepre 2.5X pli tipti ki seki li ti bizin ete.

An pasan kifer u kwar zame Ramgoolam koz lor to krwasans mwayin depi 2006?

Dawnlod Nu Liv Gratis Pu Konpran En Ta Zafer Mari Vit

Pu kumanse par palab ki pe fer depi 12 mwa lor kifer in kokin pansion vieyes. Apre, pu ki rezon system lasante piblik in krash. Nu osi met diyl Sagos dan perspektiv ki bizin. Ena osi en sapit lor reform elektoral. Antu 10 sapit pu met en ta linformasion dan lame sitwayin pu relev deba dan pei. En ta lekol kuyon pu ferme la. Nek gete u.

Meyer version (miltimedia) se lor u laparey Apple.

Version PDF.

Kisana Ki Papa Mirak Ekonomik?

Mazorite dimun pu dir Vishnu Lutchmeenaraidoo. Me depi omwin 2019 Paul Bérenger dir ki se li ki veritab papa sa period de bon krwasans ekonomik dan ban lane 1980 la parski li ti fer le pli difisil e sa ve dir met sales tax. Problem ki en anvol ekonomik pa selman depan ki ranflue lakes guvernman. E pli inportan, kuma tiart la ilistre, kifer li pan fer u ede pu fer en lot mirak ekonomik kan limem ti minis de finans pandan trwa lane e trwa lezot fwa li ti dan guvernman? Nu kav osi fak tiek ansyin lider MMM pu gayn en bon lide so metriz ban size nasional inportan. Nu kav usi analiz 10 pwin ki li pe reservi pu lans so nuvo parti. Ah wi, Lutchmeenaraidoo pan fer en lot mirak ekonomik apre le 10 Desam 2014.

Moris Gayn Plis Delo Ki Bizin

Kuma tiart la montre nu apard 1999 nu fin tuletan ena sifizaman delo ant 1998 ek 2024. Problem se pan ranplas ase tiyo delo perse dernie 20 banane. E sa se akoz flat tax 15% Sithanen depi 2006 in rwin nu. E sirtu ran en servis pa diman burzwa la avoy plis lapli parski nu pa le truv tsunami dan tu sime.

70 An De Sela Moris Ti A En Gran Turnan

An 1956 Ptr, selon biografi SVR par Reddi ek Experiments in Democracy par Dukhira, ti pe lager kont propozision PR ki guvernman kolonial ti met de lavan kom system elektoral. Mem lepok Mauritius Times lans so gran kanpayn Down With PR. Malerezman le 22 Mars, Guy Rozemont, lider Ptr, desede a laz 40 an. Lerla eleksion parsiel dan Por-Lwi pu ranplas li vin en referandum lor PR. Me leta-mazor Ptr ti telman for sa lepok la ki zot fini par gayn parsiel la an Me kan zot kandida Willy Dupré bat Alex Bhujhoharry, kandida Parti Morisyin. Sa anter PR pu de bon.

Inpe letan avan li mor, Guy ti prezid en komite egzekitif ki ti expilse so frer Philippe depi dan Ptr akoz li ti vot ansam ek ban konservater dan Konsey Lezislatif an faver PR. Navin Ramgoolam abitie rakont en zistwar ki ti derule kot SSR lari Deforz kot sipozeman Guy ti tret Philippe de tret e ti bez li en kudpwin. Par kont zame Navin rakont expilsion Philippe depi Ptr.

Reform elektoral se en zafer mari konplike e tu sanzman a nu exselan system elektoral bizin pas par omwin de referandum. Promie referandum la pu san-angazman (non-binding) e deziem la avek-angazman. Me avan sa bizin ena ban bon kanpayn edikasion lepep ek ban diskision aproprie. Mon pibliye en ameliorasion elegan nu exselan system elektoral an Desam 2025 e an Oktob 2024 mo ti pibliye en gid ki parmi enta zafer explike kuma system elektoral rant dan striktir guvernans en pei.

State of Economy Pan Fer Nu Vin Mwins Kuyon

Nu ti deza kone ki striktir taxasion insutenab ki ti kumanse ek flat tax 15% Sithanen an 2006 in kaziman rwin nu pei. Par kont SoE in rod fer kwar ki problem in leve selman dernie 10 an. Ki fos. E ban azisteman ki SoE in fer pu GDP ase insinifian (0.16% de diferans pu 2022) par rapor a katastrof kot Moris retruv li depi 20 an.

Kuma tiart la montre nu, pu 2022, GDP diferan par mwins ki 1 milyar rupi. 1 milyar rupi se buku larzan me lor 571.2 milyar pa sa kantite la. Me kestion ki bizin poze se komie GDP ti bizin ete an 2022 dapre prozeksion 8% krwasans Sithanen ler li ti met so flat tax. Ler nu fer en ti kalkil nu truve ki GDP ti bizin 1,254 milyar u 2.2X nivo dan SoE (en diferans Rs683.7 milyar). Pu 2023, GDP selon SoE ti plis ki 21 milyar rupi pli tipti ki sif ofisiel (3.26% de diferans) ki ase konsekan me konparativman a 1,442 milyar ki GDP (2.25X pli gro ki sif SoE u en mank a gayne de Rs800.7 milyar) ti bizin ete selon previzion Sithanen u mirak ekonomik mem sa 21 milyar la ase tipti.

Pu 2024, koreksion GDP SoE ankor pli eleve, Rs36.3 milyar (preske 5%), me lekar ek previzion GDP pu flat tax 15% ankor pli gran, Rs915.5 milyar u 2.31X sif SoE. Me sa SoE pan dir nu.

Four Great Books To Download On Your Apple Device

Although I wrote Investment Analytics for pros sitting for the three CFA exams or enrolled in a Finance MBA I have noticed, over the past 26 years, that undergrads and ACCA students also purchased it. One of the youngest readers must have been that girl who had just completed her HSC. The digital version which was rolled out in October 2023 raises the learning experience to a whole new level.

Quantitative Methods Lifesaver, published in July 2024, will make you breeze through the QM part of the CFA Level 1 exam. The guts of this book are from the print copy of the Level 1 Lifesaver I developed over 12 years reducing it from 458 pages to 110. QMLS will be particularly useful in this era of big data and AI.

WTVFi2024 is a guide to help analyse electoral manifestos and policies in any country. It contains an insane amount of interesting information on Mauritian politics, the state of her economy, frameworks to picture governance in a whole new light and forecasts till 2029. The diaspora will love it. It was published in October 2024.

Finally FTF is a book that offers a governance-based improvement to the great electoral system we have in Mauritius. It's the product of looking at electoral systems for over twenty years and writing over 100 articles on the topic. FTF came out in December 2025.

Labour Turns 90 in A Depressing Atmosphere

And it's not difficult to understand why. We wrote a post on several aspects of the greatest party in Mauritius yesterday. Navin Ramgoolam should seize the opportunity to restore the BRP at 60 and clear the air a little bit. 

Dose of PR Would Create Chronic Political Instability

Discover how we can improve the great electoral system in Mauritius by putting our latest book on your Apple device.

Here's One Important Reason You Don't Want PR

Master electoral reform fast by downloading our latest book.

Book Which Improves An Amazing Electoral System Published

The FPTP version that we use in Mauritius since 1967 has served us extremely well but during the past quarter of a century politicians have been trying to replace it with a mixed system which would be a complete disaster. The principal purpose of this book is to help prevent this calamity by critically looking at all the main electoral proposals since 2002. 

It also provides more than a dozen vital criteria to evaluate any electoral system or proposition and will therefore put the debate on electoral reform on a firm footing. The book which can be pre-ordered right away refines an interesting solution, backed by a thorough analysis of electoral data, we presented in 2014. Happy reading!

Six Cool Things To Do For Kartik Maas

 1. Listen to this amazing podcast on the Bhagavad Gita by Alan Watts and Ram Dass.

2. Read the Bhagavad Gita in Kreol.

3. Listen to the Bhagavad Gita sung by Gaiea Sanskrit.

4. Listen to a thorough study of the Bhagavad Gita by the Vedanta Society of Southern Cailfornia which uses many great books including Sri Aurobindo's commentary on the BG.

5. Watch a nicely-done 55-episode series on the Buddha.

6. Watch Keshav on Netflix.

Anu Fak-Tiek Diskur Ramgoolam A Nu Ban Gran Dimun

Sanjay Jagatsingh · Fact-check diskur Navin a nu ban vie dimun

7 Alternativ A Ras BRP Depi Dan Labus Pansioner

Sanjay Jagatsingh · 7 alternativ a ras BRP depi dan labus pansioner

Kuma 20 An Unfair Share Contribution Fin Rwin Moris

Li sinp. Ler ti met flat tax 15% Sithanen an 2006 ti sipoze gayn krwasans 8% ar sa (ti gayn krwasans mwayin de 5.1% ant 1968 ek 2005) be kuma tiart la montre nu dernie 4 guvernman zame in resi ariv pre ek sa target la. Nun pas apepre de 5% pu promie guvernman, a 3.8% pu deziem, 3.6% pu trwaziem e 1.7% pu katriem. Sel lane nu fin gayn en krwasans 8% u plis se an 2022 lawsi se akoz lekonomi ti kontrakte par preske 15% an 2020 ek Kovid. Padayachy pran trwa dernie lane so manda e dir nu lekonomi ti an bum, ki en fason rigolo interpret ban sif. StatMu pe prevwar en krwasans 3.1% pu 2025 e sa pa ti pu diferan mem si pa tiena sanzman rezim.

Sa tiart la montre osi ki krwasans pandan 2em e 3em guvernman ti mwins ki lamwatie target donk pa kav blam Kovid pu sa. Overol ant 2006 ek 2024 krwasans mwayin fin selman 3.3% e sa explike kifer nu sosiete pe kontinie dezintegre a vites gran V. Byinsir ban nanti fin byin profite e la pe rod fer grand mazorite Morisyin pey pu sa katastrof la e zot pe fer sa par atak nu leta providans. Ban latak la pu kontinie e vin pli frekan parski en striktir taksasion tro ba e insutenab se en pwazon.

Anu Mizir Latak Zeneralize Lor Leta Providans

Pu fer sa nu kumans par estim komie GDP manke depi 2005 par rapor a target krwasans 8% ki Sithanen ti dir nu pu gayne ek so flat tax 15%. Ant 2006 ek 2024 fin mank 6,176 milyar rupi GDP (lamone 2024). Anu get depans guvernmantal pu ledikasion. Dan bidze 2025/26 sa depans la reprezant 3% GDP. Sa ve dir ant 2006 ek 2024 nun depans 185 milyar rupi an mwins (3% x 6,176 milyar). Eski 3% sifizan? Sesel depans 4.3%. Si nu ti depans kuma Sesel be nun depans 266 milyar rupi an mwins lor sa period 19 an la.

Pu lasante mank 154 milyar rupi e se akoz sa mem ki system la fin mari deteriore. Sesel depans 2X plis ki nu e si nu ti fer kuma zot be mank 309 milyar rupi de depans dan nu system lasante piblik lor period ki nu pe konsidere.

O total 1,235 milyar rupi anplis ti bizin rant dan lakes guvernman ziska lafin 2024 si reveni guvernman reprezant 20% GDP. Pu 2025/26 li reprezant 30%. Ek sa rasio la be 1,853 milyar rupi anplis ti bizin rant dan lakes la.

Nun usi azut ban kolon pu trwa lezot krwasans mwayin, 7%, 6% ek 5.1% (nu to krwasans mwayin ant 1968 ek 2005). Mem a 5.1% 487 milyar rupi anplis ti bizin rant dan lakes guvernman.

Byinsir ler li rant dan lakes la en parti ti kav met dan en Sovereign Wealth Fund (SWF). Si nu ti investi 50% ban kas ki ti bizin rant dan lakes leta (1,835 milyar) dan sa SWF la a 8% zordi li ti pu vo 1,116 milyar rupi. Ki ti en zafer ase normal pu en pei ek otan dimun malin kuma Moris.