U Ki Pu Vinn Dir Mwa Ki Bis Bizin Met Lor Larut?

Se seki enn General Manager CNT ti aparaman dir so minis enn zur byen lontan de sela. General Manager u konn li: zordi zur li sekreter zeneral parti travays. Be etan donne ki job la inn revinn disponib eski pa ti kav remet Deva Virahsawmy laba pou enn ti letan pou li remet bis ki bizin lor nu larut. Si u rapel byen enn lepok nu ti ena bann bon bis lor nu sime. Zot ti sort zapon ek zot ti apel Hino ek Isuzu. Zot pa ti larg lafime kuma sa bann dinozor ki roule zordi zur la.

Parey kuma ler inn vinn pli respirab dan bann plas piblik avek interdiksyon sigaret, ti pu bon regler sa problem bis polyan enn fwa pour toute. En fet guvernman ti kav met ban konvertiser katalitik a so fre lor sa bann vehikil fimigen la parski li pu ekonomiz plis ki sa lor fre la sante bann sitoyens. Inpe kuma ti fer a Santiago o Sili.