Yer ver onzeredmi enn zurnalis Radio Plus telefone pu dimann mo lopinion lor sipa stimilus pakeg pu ed lekonomi moris. Mo dire li ki mo fek fer enn duel lor sa size la ar so koleg Axel e ki donk mo panse li pa neseser ki mo rekoz lor la. Li insiste, li dir mwa c pour Dossier ki pase lindi gramatin 7h ek 8h ek ki li envi fer kiken de nuvo intervenir e ki semen dernyere li ti fer Pramode Jaddoo intervenir. Etan done ki se enn zurnalis sympa mo desid pou done li mo lopinion kan mem. Ala sekin derouler pli ou mwin ek en bref:
R+: Dan ki direksyon ou pu koze?
Mwa: Dan oken direksyon. Mo pou donn u mo lopinion setu (mo dir mwa: bizin dir ki direksyon pou repon??? ki kuyonad sa??? Radio Plus sa ou bien Radio Pyongyang???)
R+: Eski ou panse ki stimilus pakeg pu ed lekonomi?
Mwa: Mo pans pas. 6 milyar dan sa 10.4 milyar la ti fini anonse dan bidze 2008/9 donk ena ene gros kompozant dipin rasi ladan.
Par kont ena lezot priorite:
1. Lesans ti bizin Rs 25 enn lit me akoz sa mardaye ki p deroule la ou kone komye pri lesans ete. En plis akoz resesyon mondyal ti bizin met li Rs 20 pu soulaz dimunn
2. Pri kuran abizif. Si u pri kuran pa kompetitif u pa pu kompetitif. Ramgoolam ti promet nu sa depi Novam 2007
3. Konzestion routyer. Ti bizin met bon bis lor sime...
R+: U pann dir mwa ki ti bizin fer ek kas la?
Mwa: Mo fek don ou 3 zafer ki ti kav fer la...
Mo repet seki monn dir li plis mo azuter ki en 1985 enn liv sterlin ti 20 rupi e en 2007 li ti 60 rupi e ki donk bann exportater inn tap plin tu sa banane la san ublyer azute ki stimulus pakeg c ene eskrokri intelektyel. Kelke mo ossi lor sa de dinozor ki Empowerment Fund ek Land Based Oceanic Industry ete.
Lindi gramatin mo p ekut exsepsyonelman radio pu guete kuma zon edit sa lopinion la. Abdoollah Earally present so zurnal 7h ek sirpriz se Pramode Jaddoo ki p intervenir dan Dossier. Vers 7h30 mo text Abdoollah pu dir li ki mo pa ti konne si pa mo appel Pramode Jaddoo. Sa senti la censir e le boykott me mo attan 8h parski pe dir pu ena ene 2eme parti. Nuvel 8h non pli mo lopinion pa passer.
Mo telefon Abdoollah ek mo dimann li kifer pann passe mo lopinion etc. Li dir mwa se andeor so kontrol, li ekskiz li e li pu seye passe li dan la zurne. Mo aksepte so eskiz me mo dimann li kan mem si pa li pu pass sa dan nuvel mortyer.
Finalman mo dekos ene texto vers zurnalis ki ti intervye mwa pu dir li pa kas latet pu retelefon mwa zame enkor.
