Pena Deba Pu Fer Lor BRP Iniversel a 60 an

Amwin mank rol u pena oken problem pu regle dan pei.

Platform Komun Syndikal Fin Ekrir A Ban Parlmanter

Dan en let sinq paz, zot fin explike, sif a lapwi, ki BRP e nu welfer steyt sutenab me seki pa sutenab se sa pwazon de flat tax 15% ki Sithanen ti servi popilasion apartir 2006. Zot fin dir ki rasio BRP/GDP ki fin okip deba piblik dernie 13 mwa pu bese ek en BRP de 100 milyar rupi an 2035 pu tu to krwasans aniel mwayin siperyer a 2.2% ki en to vreman insinifian konsideran potansiel Moris.

PKS fin osi expos dega katastrofik ki flat tax 15% Sithanen in fer a Moris depi 2006 e kuma sa fin fer an sort ki nu lekonomi de fwa edmi pli tipti ki seki li bizin ete an 2026.

PKS fin osi fer plizir propozision pu ogmant reveni guvernman e fin termin let la par dir ki zot ti va prefer ena ban konsiltasion sinser ek guvernman e fer ban parlmanter remarke ki laful dan manifestasion le 11 Ziyet 2026 dan Por-Lwi in fini vot pu en lagrev zeneral.

U kav lir let la isi.

Anu Fak-Tiek Diskur Ramgoolam A Nu Ban Gran Dimun

Sanjay Jagatsingh · Fact-check diskur Navin a nu ban vie dimun

Anu Mizir Latak Zeneralize Lor Leta Providans

Pu fer sa nu kumans par estim komie GDP manke depi 2005 par rapor a target krwasans 8% ki Sithanen ti dir nu pu gayne ek so flat tax 15%. Ant 2006 ek 2024 fin mank 6,176 milyar rupi GDP (lamone 2024). Anu get depans guvernmantal pu ledikasion. Dan bidze 2025/26 sa depans la reprezant 3% GDP. Sa ve dir ant 2006 ek 2024 nun depans 185 milyar rupi an mwins (3% x 6,176 milyar). Eski 3% sifizan? Sesel depans 4.3%. Si nu ti depans kuma Sesel be nun depans 266 milyar rupi an mwins lor sa period 19 an la.

Pu lasante mank 154 milyar rupi e se akoz sa mem ki system la fin mari deteriore. Sesel depans 2X plis ki nu e si nu ti fer kuma zot be mank 309 milyar rupi de depans dan nu system lasante piblik lor period ki nu pe konsidere.

O total 1,235 milyar rupi anplis ti bizin rant dan lakes guvernman ziska lafin 2024 si reveni guvernman reprezant 20% GDP. Pu 2025/26 li reprezant 30%. Ek sa rasio la be 1,853 milyar rupi anplis ti bizin rant dan lakes la.

Nun usi azut ban kolon pu trwa lezot krwasans mwayin, 7%, 6% ek 5.1% (nu to krwasans mwayin ant 1968 ek 2005). Mem a 5.1% 487 milyar rupi anplis ti bizin rant dan lakes guvernman.

Byinsir ler li rant dan lakes la en parti ti kav met dan en Sovereign Wealth Fund (SWF). Si nu ti investi 50% ban kas ki ti bizin rant dan lakes leta (1,835 milyar) dan sa SWF la a 8% zordi li ti pu vo 1,116 milyar rupi. Ki ti en zafer ase normal pu en pei ek otan dimun malin kuma Moris.

Ranz Nuvo Sime Pa Diminie Trafik, O Kontrer

Get en kut kin arive lor de period 17 an dan Moris. En kot fiskalite ti sutenab, GDP ti vin 2.19X pli gro e nu ti ranz 219km nuvo sime e en lot kot fiskalite ti leze, GDP ti grosi par 1.67X selman me nu ti ranz 1,035km nuvo sime. Dan promie period rezo rutie ti ogmant par 12% e deziem par 51%.

Donk nu pa sanz tiyo delo perse, nu pa asir en bon disponibilite manze me selman nu beton later agrikol kuma pagla pu nu van vila ek milyarder etranze e nu ranz sime kuma toke. An mem tan nu avoy nu ban Minis ek en bol pu al rod lasarite ek ban lezot pei.

Pe diminie par ledikasion piblik ek lasante piblik dan lekonomi prosin 3 an selma pu depans 14 milyar rupi dan konstriksion nuvo sime prosin 5 an ki nu ditu pa bizin. Met serye!

Boss Has A Message For Us

Mauritius and Global Warming

What's Worse Than Termites?

Kuma Parti Lalit Diferan