State of Economy Pan Fer Nu Vin Mwins Kuyon

Nu ti deza kone ki striktir taxasion insutenab ki ti kumanse ek flat tax 15% Sithanen an 2006 in kaziman rwin nu pei. Par kont SoE in rod fer kwar ki problem in leve selman dernie 10 an. Ki fos. E ban azisteman ki SoE in fer pu GDP ase insinifian (0.16% de diferans pu 2022) par rapor a katastrof kot Moris retruv li depi 20 an.

Kuma tiart la montre nu, pu 2022 GDP diferan par mwins ki 1 milyar rupi. 1 milyar rupi se buku larzan me lor 571.2 milyar pa sa kantite la. Me vre problem se komie li ti bizin ete dapre prozeksion 8% krwasans Sithanen ler li ti met so flat tax. Ler nu fer en ti kalkil nu truve ki GDP ti bizin 1,254 milyar u 2.2X nivo dan SoE (en diferans Rs683.7 milyar). Pu 2023 GDP selon SoE ti plis ki 21 milyar rupi pli tipti ki sif ofisiel (3.26% de diferans) ki ase konsekan me konparativman a 1,442 milyar (2.25X pli gro ki sif SoE u en mank a gayne de Rs800.7 milyar) ki GDP ti bizin ete selon previzion Sithanen u mirak ekonomik mem sa 21 milyar la ase tipti.

Pu 2024 koreksion GDP SoE ankor pli eleve, Rs36.3 milyar (preske 5%), me lekar ek previzion GDP ek flat tax 15% ankor pli gran, Rs915.5 milyar u 2.31X sif SoE. Me sa SoE pan dir nu.