Desam 2014 tienn rezilta sok kot elekter pa finn ule ditu ki vinn ranplas zot sistem elektoral ek zot styl guvernman par gonaz pu pa dir lot zafer. Trwa zan apre nun truv enn lot zafer interesan. Pu promye fwa dan enn parsyel kat elekter lor sink pa finn vot pu kandida kinn eli. Anfet ler nu get bann rezilta bann parsyel pli an detay nu truv enn zafer extraordiner – get tiart lao. Pu promye fwa dan enn parsyel bizin azut vot sis promye kandida pu ariv enn total vot 90% u plis. Zame pann arive avan sa. Avan ti zis bizin de u trwa kandida. Ek ler u azut sa ek sa turnout pli feb ki nun gayne dan enn parsyel la sa konfirm omwin de zafer: enn ki elekter inn plin ar bann parti tradisyonel ki pena oken bon solisyon pu Moris – zot pe plito prese pu kul nu pei – ek de ki zot nepli ezite pu vot pu bann 'ti' parti.
Eski u realize ki Bizlall finn gayn 11.5% dan sa parsyel la ek linn sort katriyem? Se mem skor ki li ti fer an Desam 2014. Sof ki sa ti enn eleksyon zeneral kot dimunn ena trwa vot. Dan parsyel Belroz-Katborn zot tiena enn sel vot. Ek MMM pa finn fer mem 3% plis ki Jack. Donk wadire elekter pe kraz enn bon masala lor ros kari.
Sa post la pe pibliye 14h20 pu enn rezon. Promye post lor Kozelidir usi ti paret sa ler la. An 2008.
2 comments:
Natalia Vadamootoo,
Reaz Chuttoo,
Jane Ragoo,
Ivor Tan Yan,
Veena Dolah,
Jayen Chellum,
Nita Deerpalsing,
Yan Hookoomsing,
Jocelyne Minerve,
Rashid Imrith,
Georges Ah Yan,
Linsey Collen,
Samad Ramoly,
Sanjay Jagatsingh...
I have a dream that this kind of dream-team will reverse Sirdarism (any form of collaboration or support of the colonial way of thinking and ruling our country) and steer our dear Dodoland into a shining example of peaceful multi-culti powerhouse of inclusive progress.
And despite the dwindling number of comments, let the debate begin: I am ready to accept any form of abuse :-) as long as we get people put their brains to fight the lethargy...
Voters, as usual, will send sophisticated signals on November 7th. Stay tuned.
Post a Comment