Kifer BRP Kav Pe Revin Kuma Avan Dan En Semen

Sinp. Ramgoolam pu anvi evit al explik dan lakur rezon kifer lin kokin pansion vieyes. Ban rezon bidon lin servi depi sez mwa in fini demoli de lon an larz e li pu politikman mari konplike pu li ki dosie pansion kontinie okip laktialite den fason osi santral. Dayer, selon Roshi Bhadain, reprezantan leta in fini dir ki zot pe rod en solision dan kes de fitir pansioner kot li avoka. E se pal sel kes ki ena. An pasan, nu panse se Ramgoolam kin rod zwen Bhadain e non pa le kontrer pu ban rezon dan tiart.

Donk le 30 Septam nu truv reprezantan leta pu don detay lakor ki zot fin arive. Sa lakor la oblize fer en bakpe ek so lintere parski ban manifestasion pe vin de pli an pli mons. Prosin manif se le 31 oktob. Apre, Vizion 2050 fin telman en flop ki Ramgoolam pu anvi plis de trankilite dan pei.

Download Citizen Concerns For Free And Understand Plenty Fast

Citizen concerns is the English version of Preokipasion Sitwayin, a book which I published last June and made available for free to drastically improve the level of debate in Mauritius. The best version is for the iPhone and other Apple devices but there's also a pdf version for all other phones and computers.

Enjoy the read and let us know how you found it.

En Zafer Esansiel Lor BRP Ki Guvernman Pan Mansione

Ki pu tu mwayen kwrasans aniel ant 2025 ek 2035 pli gran ki 2.2%, par en BRP de Rs100 milyar dan GDP 2035 pu bese. Anu rapel ki ant 1968 ek 2005 nu lekonomi in grandi a 5.1% an mwayen e ki ant 2006 ek 2025 nu GDP in grosi a en to mwayen fatra de 3.3% olie 8% ki Sithanen ti promet ek so flat tax 15%. Anfet si nu kontinie gayn sa to fatra de 3.3% la rasio BRP/GDP pu bes de 7.8% a 7% an 2035.

Pena Deba Pu Fer Lor BRP Iniversel a 60 an

Amwin mank rol u pena oken problem pu regle dan pei.

Platform Komun Syndikal Fin Ekrir A Ban Parlmanter

Dan en let sinq paz, zot fin explike, sif a lapwi, ki BRP e nu welfer steyt sutenab me seki pa sutenab se sa pwazon de flat tax 15% ki Sithanen ti servi popilasion apartir 2006. Zot fin dir ki rasio BRP/GDP ki fin okip deba piblik dernie 13 mwa pu bese ek en BRP de 100 milyar rupi an 2035 pu tu to krwasans aniel mwayin siperyer a 2.2% ki en to vreman insinifian konsideran potansiel Moris.

PKS fin osi expos dega katastrofik ki flat tax 15% Sithanen in fer a Moris depi 2006 e kuma sa fin fer an sort ki nu lekonomi de fwa edmi pli tipti ki seki li bizin ete an 2026.

PKS fin osi fer plizir propozision pu ogmant reveni guvernman e fin termin let la par dir ki zot ti va prefer ena ban konsiltasion sinser ek guvernman e fer ban parlmanter remarke ki laful dan manifestasion le 11 Ziyet 2026 dan Por-Lwi in fini vot pu en lagrev zeneral.

U kav lir let la isi.

Lepep Pe Desan Lor Sime Pu Ki Ran So BRP

E aret latak lor so leta providans ki anpes 1/3 Morisyin tom dan lamizer. Ena pagli mami ki alor ki nu system lasante pibilk in krash ti dir resaman ki 18.5 milyar rupi ki nu depanse ladan en fardo mari lur. Anfet si ti bizin depans mem pursantaz GDP ki Sesel e nu ti gayn krwasans 8% ki ti sipoze gayne ek flat tax 15% Sithanen be nu ti bizin depans 93.2 milyar rupi u 5X plis.

Nu mark nu prezans Samdi 11 Ziyet, 13h, Sant Sosial Mari Ren de Lape ki truv anfas Lanbasad de Frans, Por-Lwi.

Eski BRP Iniversel A 60 An Sutenab?

Wi. Kuma tiart la montre nu mem si nu kontinie gayn sa to krwasans fatra mwayin de 3.3% ki nun gayne ant 2006 ek 2024 lor prosin 10 an pwa BRP dan lekonomi (GDP) pu bese de 7.8% a 7%. Nun fer lipotez ki to linflasion prosin 10 an pu an mwayen seki li fin ete ant 2001 ek 2024. Aster si nu gayn 5.1% de krwasans mwayen be BRP pu reprezant selman 5.9% GDP. 4.5% si mwayen krwasans GDP la vin 8%.

Donk tre sutenab. Selman sa de dernie bidze inbesil kin prezante la pu kontinie diminie nu to krwasans parski li kontinie asfixie lekonomi parey kuma tu ban bidze depi 2006. Ramgoolam ankor ena letan pu amen ban sanzman ki bizin dan finance bill pu bidze 2026/27.

Anu Redemont En Argiman Bidon Ramgoolam

Depi en sertin letan li pe dir ki si pa ti repus laz ki kumans tus BRP a 65 an be BRP ti pu kut 100 milyar rupi an 2035. Mo ti tan sa promie fwa dan so diskur pu kongre 90em laniverser Ptr. Zordi mon truve ki ena usi sa palab la dan so steytmint le 17 Zin 2025 dan Parlman. E lin redir sa fek la. Se en argiman ki mo ti osi demoli dan Preokipasion Sitwayin, en liv ki ninport kisana kav dawnlod gratwitman. 

Be kuma tiart la montre si depans BRP pu pas de 55.3 milyar a 100 milyar dan 10 an se en ogmantasion de 80%. Me li bon kone ki dan le pase nun gayn ban ogmantasion lor 10 banane buku pli inportan ki sa. Par egzanp BRP ti ogmant par 540% ant 1987/88 ek 1997/98 e 170% ant 1997/98 ek 2007/08 ki inklir ban period kot Ramgoolam ti PM. E malgre sa ban ogmantasion buku pli inportan la zame BRP ti depas plis ki 2% GDP. Si li ti 7.8% GDP an Zin 2025 se akoz ti servi li kuma en zarm elektoral dan omwin 3 eleksion e sirtu akoz zame nu pan gayn krwasans mwayin de 8% ki Sithanen ti promet ek so flat tax 15%. Anfet de 2006 a 2025 mwayen krwasans ti selman 3.3% e sa fin fer an sort ki lekonomi apepre 2.5X pli tipti ki seki li ti bizin ete.

An pasan kifer u kwar zame Ramgoolam koz lor to krwasans mwayin depi 2006?

Dawnlod Nu Liv Gratis Pu Konpran En Ta Zafer Mari Vit

Pu kumanse par palab ki pe fer depi 12 mwa lor kifer in kokin pansion vieyes. Apre, pu ki rezon system lasante piblik in krash. Nu osi met diyl Sagos dan perspektiv ki bizin. Ena osi en sapit lor reform elektoral. Antu 10 sapit pu met en ta linformasion dan lame sitwayin pu relev deba dan pei. En ta lekol kuyon pu ferme la. Nek gete u.

Meyer version (miltimedia) se lor u laparey Apple.

Version PDF.

Labour Turns 90 in A Depressing Atmosphere

And it's not difficult to understand why. We wrote a post on several aspects of the greatest party in Mauritius yesterday. Navin Ramgoolam should seize the opportunity to restore the BRP at 60 and clear the air a little bit. 

Anu Fak-Tiek Diskur Ramgoolam A Nu Ban Gran Dimun

Sanjay Jagatsingh · Fact-check diskur Navin a nu ban vie dimun

7 Alternativ A Ras BRP Depi Dan Labus Pansioner

Sanjay Jagatsingh · 7 alternativ a ras BRP depi dan labus pansioner

Morisyin Pe Araze Ek Sanzman Pansion Vieyes

Depi ki Ramgoolam in anonse dan so bidze ki pe repus laz elizibilite pansion vieyes (BRP) par 5 an a 65 an lepep Moris lor santie de ger. E avek rezon. Pe dir nu ki li insutenab parski li reprezant 7.8% GDP e sa sif la pu kontinie ogmante. Seki insutenab se flat tax 15% ki Sithanen ti servi pu frir nu lekonomi apartir 2006 ek benediksion Ramgoolam e ki tu guvernman kin vini apre in garde pli u mwin.

Get sa, Sithanen ti dir nu ki ti pu gayn 8% krwasans an mwayen ek so pwazon me anfet nu pan gayn mem lamwatie sa to la lor dernie 19 an – nun gayn zis 3.4% e sa fin koz en mank a gayne de Rs1,200 milyar rupi dan lakes guvernman a lafin 2024. Si nu ti gayn 8% BRP an 2024 ti pu vo zis 3.4% GDP. 5.7% si nu ti gayn krwasans mwayen ki nun gayne depi lindepandans ziska 2005. Dan tiart lao nu montre usi so pwa pu de lot to krwasans.

Seki pli komik ladan se telman flat tax 15% Sithanen fin andomaz nu lekonomi ek nu pei ki Ramgoolam in ogmant to ki ban gro saler peye selman pu trwa an. Apre trwa an ki arive, nu rekumans frir lekonomi e nu re koste ek stati diunk de Moody's?

Solision la li sinp, li gard "fair-share contribution" pu tultan, li elimin ban depans siperfli kuma ranz ankor sime (fin ranz 1,035km sime ant 2006 ek 2022 donk bizin met en poze ar sa) e li inplemant ban bon politik. De tut le fason pena sa ni dan manifest elektoral ni dan program guvernmantal e si li anvi fer sa li bizin swa organiz en referandum u disut parlman pu diman elekter permision.